Haky jandan söýmelisiñ,
Eger şahyr boljak bolsañ!,
Dogry zady diýmelisiñ,
Eger şahyr boljak bolsañ!.

Ile haýryñ degmelidir,
Günä kalbyñ tegmilidir,
Başyñ Alla egmelidir,
Eger şahyr boljak bolsañ!.

Mydam sada bolmalysyñ,
Kä ýanyp kä sönmelisiñ,
Şol durkuñda galmalysyñ,
Eger şahyr boljak bolsañ!.

Ýersiz ýere joşmaly däl,
Güpläp boş-boş çişmeli däl,
Zerre ýalan goşmaly däl,
Eger şahyr boljak bolsañ!.

Goý gülünsin, ag:y bolsun,
Ýazanlañda many bolsun,
Her bir sözüñ jany bolsun,
Eger şahyr boljak bolsañ.

Mertebesin saklap iliñ,
Biribara bagly biliñ,
Ýygnap gezgin uzyn diliñ,
Eger şahyr boljak bolsañ!...

Awtory: Baýram Bejidow