Ynanmarsyň... / Nurmuhammet HAŞYROW

Belent daglaň esler başy,
Görenlerňe ynanmarsyň.
Kyn günüňde çolar daşy,
Görenlerňe ynanmarsyň.

Tegmil artar, kemer agy,
Bagynda saýraşar zady,
Dostuň hanjar uran çagy,
Görenlerňe ynanmarsyň.

Hak halasa, ýollar açar,
Bilbiliň bagyňdan uçar,
Bagtlylygňy hasrat guçar,
Görenlerňe ynanmarsyň.

Kä şatlyk, kä gaýgy seçer,
Söýgi galar, söýgiň geçer,
Yşk ýolunda ýalňyz beçe,
Görenlerňe ynanmarsyň.

Alada ornaşar bilde,
Galplyk ornaşar hilde,
Bir aýagyň galar gilde,
Görenlerňe ynanmarsyň.

Agyr işler egniň ýyrtar,
Ýagşy görnüp ýaman dartar,
Namys kemär, jumag artar,
Görenlerňe ynanmarsyň.

Şer nirede, haýyr nirde?
Perişdemi, şeýtan törde?
Düýn göreniň bu gün görde
Görenlerňe ynanmarsyň.

+993 65 144393